बिजयादशमीको शुभकामना आदानप्रदान र कक्षा ११ को स्वागत साथै कक्षा १२ को बिदाईको अवसर पारेर श्री भैरवी माध्यमिक विद्यालय धादिङमा नेपाल रेडक्रस सोसाइटी युवा रेडक्रस सर्कलले खुल्ला रक्तदान कार्यक्रम सम्पन्न गरेको छ ।
गत आईतबार श्री भैरवी माध्यमिक विद्यालय धादिङको प्राङ्गणमा उक्त कार्यक्रम सम्पन्न भएको हो ।
रक्तदान, जीवनदान भन्ने मुल मन्त्रलाई आत्मसात् गर्दै अहिलेको जटिल परिस्थितिमा रक्तदान एकदमै आवश्यक रहेकोले युवा रेडक्रस सर्कलको सक्रियतामा उक्त कार्यक्रम सम्पन्न भएको हो ।
सबैजना पहिलो रक्तदाता भएको बताउँदै नेपाल स्वयंमसेवी रक्तदाता समाज न्युरोड समितिका अध्यक्ष लायन केदारप्रसाद न्यौपानेले कार्यक्रममा २७ जना महिला र २७ जना पुरुष गरी जम्मा ५४ जनाले रक्तदान गरेको जानकारी दिए ।
