प्रतिनिधिसभाको शुक्रबारका लागि बोलाएको बैठक आइतबार बस्ने गरी सारिएको छ ।
सरकारका तर्फबाट कानुनमन्त्री दिलेन्द्रप्रसाद बडूले आग्रह गरेपछि सभामुख अग्निप्रसाद सापकोटाले संसद बैठक आइतबारसम्म स्थगित गरेको संघीय संसद सचिवालयले जानकारी दिएको छ ।
बिहीबारका लागि बोलाइएको बैठक सूचना टाँसेर शुक्रबारका लागि सारिएको थिथो ।
अमेरिकी सहयोग परियोजना एमसीसीमा सत्ता गठबन्धनमा नै सहमति नहुँदा त्यसमाथिको छलफल प्रभावित हुँदै आएको छ ।
