जनता समाजवादी पार्टी कार्यकारिणी समितीका अध्यक्ष महन्थ ठाकुरको अध्यक्षतामा साउन २ देखि ५ गतेसम्म बसेको बैठकले पार्टीको माग, मुद्दा सम्बोधनार्थ प्रधानमन्त्री शेरबहादुर देउवालाई ध्यानाकर्षण गराउने निर्णय गरेको छ ।
जसपा नेपालले विगतदेखि उठाउँदै आएको मधेश–थरुहट आन्दोलनसँग सम्बन्धित माग, मुद्दाका साथै राजनीतिक अडानहरु, संविधान संशोधन, नेता, कार्यकर्ताहरु माथि लगाइएको झुठा मुद्दाहरु फिर्ता, रेशम चौधरी रिहाई, लाल आयोगको प्रतिवेदन सार्वजनिक, नागरिकता सम्बन्धी समस्याको समाधान, लगायतका समस्याहरु समाधान गर्ने प्रतिबद्धता प्रधानमन्त्रीबाट व्यक्त भएकाले आफूहरुको पार्टीले प्रधनमन्त्री देउवालाई विश्वासको मत पद्य्रान गरेको पनि विज्ञप्तीमा उल्लेख छ ।
यसलगायत विश्व्व्यापीरुपमा फैलिएको कोभिड–१९ महामारी, मनसुनसँगै आइरहेको प्राकृतिक विपत्ति र यस विपत्तिमा मुलुकको अर्थतन्त्र चलायमान राख्ने लगायतका विभिन्न आठ बुँदे प्रेस विज्ञप्ती जसपाले मंगलबार सार्वजनिक गरेको छ ।
