पछिल्लो २४ घण्टामा देशभर थप ८१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । योसँगै संक्रमितको कूल संख्या २ लाख ७२ हजार ४३० पुगेको छ ।
यस्तै पछिल्लो चौबीस घण्टामा १११ जना सङ्क्रमणमुक्त भएका छन । योसँगै निको हुनेको कुल संख्या २ लाख ६८ हजार ६६० जना पुगेका छन ।
पछिल्लो चौबीस घण्टामा कोरोना सङ्क्रणबाट ५ जनाको मृत्यु भएको र कोभिड १९ बाट हालसम्म मृत्यु हुनेको कुल संख्या २०५२ जना पुगेको मन्त्रालयले जनाएको छ ।
