नेपाल स्रष्टा समाजको ११ औँ साधारण सभाले आगामी दुई वर्षका लागि कवि विधान आचार्यको अध्यक्षतामा ११ सदस्यीय नयाँ कार्यसमिति चयन गरेको छ ।
यस्तै प्राडा गोविन्दमानसिंह कार्की उपाध्यक्षमा, पुष्पा खनाल महासचिवमा, नवराज तिमल्सिना अवदोषी कोषाध्यक्षमा र जानु धिताल सचिवमा निर्विरोध निर्वाचित भए । कार्यसमितिका सदस्यहरूमा डा विष्णु राई, डा पुष्करराज भट्ट, नवराज पुडासैनी ज्योत्स्ना, तर्कना शर्मा, लेखजङ्ग खत्री, रश्मि रिमाल निर्विरोध निर्वाचित भए ।
साधारण सभाका अवसरमा वर्तमान अध्यक्ष पवन आलोकले नव निर्वाचित कार्यसमितिलाई बधाई दिँदै संस्थाको विधानअनुसार संरक्षक सदस्यमा रहनका लागि रू एक लाखको योगदान समेत गरेका थिए ।
सभामा सबै सदस्यका तर्फबाट राजेन्द्र गुरागाईँले नव निर्वाचित कार्यसमितिलाई बधाई दिए । नव निर्वाचित अध्यक्ष आचार्यले कार्यसमितिका सबै निर्वाचित सदस्यहरूको परिचय गराएका थिए ।
नेपाली लगायतका नेपालमा बोलिने भाषा–साहित्यको सिर्जना, सम्वद्र्धन र विकासमा योगदान पु¥याउने तथा लोकतान्त्रिक नेपालको उन्नयनमा साहित्यका माध्यमबाट रचनात्मक सहयोग पु¥याई नेपालका साहित्यको अन्तर्राष्ट्रियकरण गर्ने उद्देश्यले विसं २०६४ पुस १६ गते नेपाल स्रष्टा समाजको स्थापना गरिएको हो ।
