भारत सरकार नेपाललाई थप १०० मेगावाट बिजुली दिन सहमत भएको छ ।
ऊर्जासम्बद्ध नेपाल भारत संयुक्त प्राविधिक समूहको बैठकमा भारतले नेपाललाई थप बिजुली दिने सहमति जनाएको हो । भारतले ढल्बेकबर-मुजफ्फरपुर ४ सय केभीको प्रसारण लाइनमार्फत थप १०० मेगावाट बिजुली दिन लागेको हो ।
यससँगै यो लाइनबाट नेपाललाई ३५० मेगावाटसम्म बिजुली आयात गर्न बाटो खुलेको छ ।
अहिले बिजुलीको उच्च माग भएपछि विद्युतभार थेग्न भारतसँग नेपालले थप बिजुलीको प्रस्ताव गरेको हो ।
नेपालमा हाल अन्तरदेशीय प्रसारणलाइनबाट पिक अवावरमा ६८० मेगावाटदेखि ७ सय मेगावाटसम्म बिजुली आयात भइरहेको छ । अब त्यो परिमाण ८ सय मेगावाटसम्म पुग्नेछ ।
