निलाई नेपाली एकता समाज मलेशियाले आफनो ३ बर्षे कार्य अबधि पुरा गरि स्वदेश फर्किने
पूर्वअध्यक्ष र पूर्व उपसचिब सहित १२ जना सदस्यहरुलाई विदाई गरको छ ।निलाई स्थित
युनाईटेड मोरको नेपाली क्यान्टिनमा ३१/०८/२०१० को दिन विदाई कार्यक्रमको आयोजना छ ।

विदाई भएर जाने १२ जना सदस्यहरुलाई नेपाली एकता समाजको तर्फबाट नेपाली एकता
समाजको चिन्ह अँकित फोटो फ्रेम सहित उपहार पनि प्रधान गरेको छ ।

काठमाडौँ । वेस्टर्न युनियन मनी ट्रान्सफरले वरिष्ठ कलाकारद्धय मदनकृष्ण श्रेष्ठ र हरिवंश आचार्यलाई विज्ञापन प्रतिनिधिमा चयन गरेको छ । वेस्टर्न युनियनले विशेष बजार व्यवस्थापन कार्यक्रम यस क्याम्पेनअन्तर्गत कलाकारद्धय महलाई चयन गरेको हो ।

युनियनले बिहीबार पत्रकार सम्मेलन आयोजना गरी कलाकारद्वयमार्फत युनियनको ब्राण्डलाई नयाँ रूपमा प्रस्तुत गर्न लागेको जानकारी दियो ।

मलेसिया , रोजगारीको सिलसिलामा मलेसियामा आएका चार युवा मलेसियाको एयरपोर्टमा चार दिनदेखि अलपत्र परिरहेका छन । अलपत्र पर्नेमा काभ्रेका निकेश केसी,अर्घाखाचीका अशोक श्रेष्ठ,रामेछापका खडग वहादुर राउत र सुर्खेतका भुपेन्द्र कामी रहेका छन ।

क्वालालम्पुर नजिकै रहेको सेरेम्वानको पोनक टिम्वर एसडिएन विचएडिको कागजपत्र वोकेका उनीहरुलाई मलेसियामा पुष्प सुवेदीको ठेगाना दिएर पठाएको भएपनि पुष्प भने थाईलैण्डमा रहेको निकेशले बताए ।

काठमाडौं, - नेपाल वैदेशिक रोजगार व्यवसायी सङ्घले आजको दिनलाई देशभर कालो दिवसका रूपमा मनाएका छन् ।

व्यवसायीहरूले मीनभवनस्थित ट्रलिबस अगाडिबाट विरोध र्‍याली निकालेर २०६१ साल भदौ १६ मा भएको विध्वंसात्मक घटनाको स्मरण गरे । र्‍याली बानेश्वर बुद्धनगर हुँदै थापागाउँको अनमोल क्याटरिङमा गएर सभामा परिणत भएको थियो ।

अहिले सबैभन्दा बढी नेपाली कामदार जाने मुलुक मलेसियाको श्रम बजारमा समस्या आउन सक्ने वैदेशिक रोजगार व्यवसायीले बताएका छन् ।

गत महिना मलेसियामा एक नेपालीको मृत्यु कम्पनीको बेवास्ताका कारण भएपछि निस्किएको भीडले तोडफोड गर्न लागेपछि यस्तो अवस्था आउन लागेको उनीहरूले बताए । मलेसियाले नेपाली कामदारले गरेको हिंस्रक प्रदर्शनबारे मन्त्रिपरिषद्मा छलफल गर्न लागेको छ ।

क्वालालम्पुर । हरेक हप्ताजसो नेपाली श्रमिकहरुको मृत्युका खबर सुनिने मलेसियामा पछिल्लो दिनमा आश्चर्यजनक ढंगले आत्महत्याका घटना बढ्न थालेका छन् । हरेक बर्ष सयौंको संख्यामा नेपालीको मृत्यु हुने भएपनि त्यसमध्ये अधिकांश सुतेको सुत्यै भएर वा दुर्घटनामा परेर मृत्यु हुने गरेका थिए । तर गएका दुई महिनाको अबधिमा मृत्यु भएका कुल नेपालीमध्ये करिव ५० प्रतिशतले आत्महत्या गरेका छन् ।

अधिकांशले आत्महत्याका बेला ‘सुसाइड नोट’ नलेखेकाले के कारणले आत्महत्या गरेको भन्ने यकिन हुन सक्दैन ।

खेमराज भट्टराई, कतार
नेपाल लोकतान्त्रिक मञ्च दोहा कतारले कतारको श्रम कानुन सम्बन्धी नेपालीमा अनुवादित पुस्तक कतारस्थित नेपाली दुतबासका प्रथम सचिब राम काजी खड्काले गर्नु भएको छ । कतारमा काम गर्न आउने नेपालीहरु यहाँको कानूनबाट पूर्णतय अनभिज्ञ रहेको हुँदा आफ्नो कार्यकालको समयमा यहाँ रहुन्जेल आफुले पालना गर्नुपर्ने श्रमिक कानुनी मर्यादाको बारेमा अनभिज्ञ सवैलाई लाभदायक हुने ठहर गर्दै उर्दू तथा अरवी भाषा साहित्यका ज्ञाता तथा विद्धान मौलाना मोहम्मद रमजान अलि मियाँले यो पुस्तक नितान्त श्रमिक नेपालीहरुको हितको लागि तयार पारिएको जानकारी गराउनुभयो ।

काठमाडौं, भाद्र ८ - गैर आवासीय नेपाली संघको (एनआरएन) पाचौ क्षेत्रिय भेला दुवईमा हुने भएको छ । दुवईबाट हालै काठमाडौं आएका अन्तर्राष्ट्रिय समन्वय परिषदका कोषाध्यक्ष रामेश्वर शाहका अनुसार जनवरी १४ र १५ गते हुने क्षेत्रिय भेलामा संसारभरिका चार सय गैर आवासीय नेपालीहरु सहभागी हुने छन् । प्रत्येक दुई वर्षमा हुने एनआरएनको विश्व सम्मेलन भने नेपालमै हुने गर्छ ।

एनआरएनको कानुनी परिभाषामा विवाद रहेका कारण अहिलेसम्म दर्ता हुन नसकेको संस्था दर्ता का लागि दवाव दिने क्रममा अन्तर्राष्ट्रिय समन्वय परिषदका सदस्यहरु नेपालमा भेला हुने क्रममा छन् ।

एन आर एनको युरोप स्तरीय भेला सकियो । युरोप स्तरीय भएकालेपनि यसको चर्चा, परिचर्चा, गुनासा र बहस हुनु स्वभाविकै हो । कार्यक्रममा फ्रान्स निवासी नेपालीहरूको खासै सहभागिता देखिएन । त्यसले कार्यक्रम स्थानीय स्तरमा सफल भयो कि भएन लेखाजोखा गर्ने काम एन आर एन र तपाई पाठकहरूको हो । म आफू चाहिँ कार्यक्रममा पुरै सहभागी हुन सकिन स्वास्थ्यका कारणले । त्यसैले कार्यक्रममा भएका सबै पक्षलाई मैले समेट्न सक्ने कुरो भएन । तरपनि विभिन्न देशका साथीभाईसित भेट गरियो । स्थानीय साथीहरूका गुनासा र जवाफहरु  सुनियो ।